12:03 AM
Chhaidim77
ថ្ងៃសុក្រ ទី៤ ខែឧសភា ឆ្នាំ២០១២ ម៉ោង ១៤:១៥
ក្នុងកម្មវិធីប្រកួតតារាចម្រៀងឯក The I dol បេះដូងខ្មែរឆ្នាំទី3
រាជធានីភ្នំពេញ ៖ រយៈពេលចំនួន២ឆ្នាំកន្លងមកហើយដែលកម្មវិធីប្រកួតដ៏អសា្ចរ្យ នេះបានប្រារព្ធធ្វើឡើង ហើយក៏ជាមាគ៌ាសិល្បៈមួយដែលផ្ដល់នូវវេទិកាដល់ប្រជាពលរដ្ឋកម្ពុជា បានបំពេញឱ្យក្ដីស្រមៃ ជាពិសេសយុវវ័យខ្មែរបានបំពេញនូវបំណងប្រាថ្នារបស់ខ្លួនក្នុងការ ក្លាយជាតារាចម្រៀងដ៏មានប្រជាប្រិយភាពមួយរូបក្នុងពេលអនាគត ។
ក្រោមការឧបត្ថម្ភធំពីស្រាបៀរអង្គរ ចូលរួមឧបត្ថម្ភពីស្ករគ្រាប់Parrot Menton ស្ករកៅស៊ូ KidKid ភេសជ្ជៈ Pepsi ភេសជ្ជៈ Sting និងសហការឧបត្ថម្ភកម្មវិធីពី I-friend Entertainment ស្ទូឌីយ៉ូ Plusmax គ្រឿងសំអាង KMA ផ្សារទំនើបផារ៉ាហ្គនសម្ផស្សភេ សម្អាងការ និង Salon ផលិតកម្មរំដួល កម្មវិធីប្រកួតតារាចម្រៀងឯក The Idol ឆ្នាំទី៣ បានចាប់ផ្ដើមឡើងដោយផ្ដល់ឱកាសឱ្យប្រជាពលរដ្ឋខ្មែរដែលមានសមត្ថភាព ទេពកោសល្យទឹកដមសំនៀង បានចូលរួមចុះឈ្មោះដាក់ពាក្យ ក៏ដូចជាបញ្ចេញសមត្ថភាពចំពោះមុខគណៈកម្មការតាមកាលបរិច្ឆេទ និងទីកន្លែងដូចខាងក្រោមនេះ ។
ខេត្ដបាត់ដំបង នៅថ្ងៃទី៩ ឧសភា នៅសាកលវិទ្យាល័យបាត់ដំបង ខេត្ដសៀមរាប ថ្ងៃទី១២ ឧសភា នៅសាល Museum សារមន្ទីរជាតិអង្គរ ខេត្ដកំពង់ចាមថ្ងៃទី១៦ ឧសភា នៅសណ្ឋាគារ៧មករារុងរឿង និងរាជធានីភ្នំពេញ ថ្ងៃទី១៩ ឧសភា នៅផ្សារទំនើបផារ៉ាហ្គន ។ ប្រជាពលរដ្ឋខ្មែរទោះជាមានទីលំនៅ ឬធ្វើការនៅខេត្ដណាមួយ ហើយមានបំណងចង់ចូលរួម គឺអាចដាក់ពាក្យនៅតាមខេត្ដ ឬរាជធានីដែលនៅជិតកន្លែងដែលខ្លួនកំពុងស្នាក់នៅផា្ទល់ដែលនេះគឺជា លក្ខខណ្ឌដ៏ពិសេសក្នុងកម្មវិធីប្រកួតនាឆ្នាំនេះ ឬប្រសិនបើមានសមត្ថភាព ប៉ុន្ដែធ្លាក់ក្នុងវគ្គជម្រុះនៅខេត្ដណាមួយ ព្រមទាំងមានបំណងជឿជាក់ចំពោះសមត្ថភាពរបស់ខ្លួនអាចដាក់ពាក្យ ប្រកួតនៅខេត្ដបន្ដបន្ទាប់តាមការបរិច្ចេទដែលបានរៀបរាប់ខាងលើ ។
នេះជាកម្មវិធីប្រកួតដ៏ធំ និងអសា្ចរ្យប្រចាំឆ្នាំដោយពានរង្វាន់សរុប២០.០០០.០០០រៀល ហើយអ្វីដែលអស្ចារ្យព្រមទាំងជាបំណងប្រាថ្នារបស់បេក្ខជន បេក្ខនារីគ្រប់ៗរូបនោះគឺ The I dol ៤រូបចុងក្រោយ នឹងមានការចេញជាអាល់ប៊ុមចំរៀងផ្ទាល់ខ្លួន ព្រមទាំងឱកាស និងកាងារជាច្រើនទៀតដូច The I dol ឆ្នាំទី១ និងទី២ គឺបានចូលរួមច្រៀងក្នុងតន្ដ្រីស្រាបៀរអង្គរទូទាំងខេត្ដ-ក្រុង ការចូលរួមសម្ដែងជាកិត្ដិយសនៅព្រះរាជាណាចក្រថៃជាដើម ។
សូមប្រជាពលរដ្ឋខ្មែរ ជាពិសេសយុវវ័យដែលស្នេហាវិស័យចម្រៀងចូលរួមដាក់ពាក្យប្រកួតប្រជែង ក្នុងកម្មវិធីដ៏មានអត្ថន័យនេះអោយបានច្រើនកុះករដើម្បីបំពេញបំណង ប្រាថ្នារបស់អ្នកក្លាយជាការពិត ជាជាងយកពេលទំនេរពីការងារ ការសិក្សាទៅសេពគប់អំពើពាលាអាវាសែ ឬបង្កជាបញ្ហាចំពោះសង្គមជាតិ ។ បេក្ខជន បេក្ខនារីទាំងអស់ត្រូវទៅដាក់ពាក្យដោយខ្លួនឯងផ្ទាល់ ព្រោះអ្នកត្រូវបញ្ចេញសមត្ថភាពភ្លាមក្រោយបំពេញបែបបទដាក់ពាក្យ រួចរាល់ដើម្បីឱ្យគណៈកម្មការបានពិចារណាចំពោះសមត្ថភាពទឹកដមសំនៀងរបស់ ខ្លួនឈានចូលក្នុងវគ្គបន្ដទៀតបានឬទេ ៕
0 comments:
Post a Comment